Қазіргі қала тұрғындарының физикалық белсенділігінің кемшілігі жөнінде бұрыннан айтылуда. Әсіресе бұл тақырып карантин кезінде өзекті. Коронавирус жұқтыру қаупіне байланысты физикалық белсенділік кемшілігінің алдын алуға арналған орындарды қысқартты. Ал бізге үйдегі бос уақытты дұрыс ұйымдастыру көмекке келеді. Ұсынымнан карантин кезінде үйдегі бос уақытты ұйымдастыру бойынша кеңестерді оқи аласыз.
Жұмыс орнында жаттығу жасау идеялары көп, бірақ олардың бәрін ағзамыз қабылдаса да, адамның үйреншікті қимыл белсенділігін алмастыра алмайды. Алайда бұдан шығу жолы бар. Қолда бар материалдан спорт залын жасақтау оңай әрі мүмкін.
Үйде спорт залын жасақтаған дұрыс, бұл жер жаттығудан бұрын және кейін желдетілуге тиіс. Коронавирус терезеге ұшып келмейді, мысалы, ол екінші қабатқа түсе алмайды. Терезесі жолға қараған бірінші қабат тұрғындары желдетуден кейін бірнеше сағат үй-жайға кірмегені дұрыс, содан кейін ұстайтын заттарыңызды антисептикпен сүрту керек. Бөлменің периметрі бойынша жүру денсаулыққа зиян емес, бірақ психологиялық тұрғыдан адамның тор ішіндегі серуендеуі секілді қабылданады. Көңіл күйді бұзатын істен пайда жоқ.
Үй-жайды жаттығуға дайындау жолы
Үй-жайды жаттығуға дайындау үшін қауіпсіз орын таңдаңыз.
Жаттығуға арналған басты алаңды қолыңды созған кезде сынатын затқа тимейтіндей арақашықтығы бар бөлмеде жабдықтаңыз. Қолыңызды немесе аяғыңызды сермеген кезде залал келетін заттың бәрін алысқа қойыңыз. Жаттығуды бастамас бұрын еденге кілемше төсеңіз. Музыкамен сүйемелдеу үшін құлаққап тағылатын плеерді қолданыңыз, ал жекпе-жек элементтерін көлеңкемен күрес форматында орындаңыз. Спорт залына барғандардың үйінде қарапайым спорттық жабдық болады. Мүсініңді сақтау үшін осы да жеткілікті. Әр алуан жаттығулар жабдықтың жетіспеуін толықтырады.
Үтікті гантель ретінде қолданбаңыз: оларды қолға ұстау ыңғайсыз, ал құлаған жағдайда спортшыға дене жарақатын, ал төмендегі көршілеріңізге психологиялық жарақат әкеледі.
Жаттығу уақытын белгілеу жолы
Дене шынықтырумен айналысу уақытын күні бойы жеке физикалық көрсеткіштеріңізге сүйене отырып белгілеңіз. Ұйқыдан кейін және ұйықтар алдында денеңізге күш түсірмеңіз. Ағзаның тамаққа деген жоғары сұранысына берілмеу үшін жаттығудан кейін бір сағаттан соң тамақтанған дұрыс. Жарты сағаттық ширату жетеді. Егер қуанышыңызды ұзартқыңыз келсе, жаттығуды уақытқа бөліп, үзіліс жасаған жөн. Спорт залына бара алмауға байланысты құмарлық немесе қамығу үйде жаттығу кезінде жүктемені қабылдауға әсер етуі мүмкін. Гантельдер сырттай тренажерге жетіңкіремейді, бірақ олар денені әбден шаршата алады. Спорттық үзіліс аяқталған соң спорттық жабдықты жинастырыңыз, кілемшені ораңыз. Бұл үй-жайды таза ұстауға ғана емес, сонымен бірге күнделікті өмірге тән бірнеше қимылдарды орындауға көмектеседі.
Үй жаттығуларын толықтыру жолы
Үй жаттығуларын мысалы бимен және ойынмен толықтыруға болады. Күнделікті дене шынықтыру дене белсенділігіне сұранысты жабады, ал ол бұрын спорт залында немесе саябақтағы серуендеумен толықтырылып отырған. Мәжбүрлі карантин кезіндегі керемет құралға би жатады. Көңіл күйі көтеріңкі адам бимен жалғыз айналыса алады. Пәтер ішінде билеп жүруге тырысыңыз. Өзіңізді мюзиклде сахнаға шығар алдында дайындалып жатырмын деп елестетіңіз, өзіңізді ешкім көріп тұрмағанын түсініңіз, тек алға.
Кеңес: балалармен көбірек ойнаңыз..
Гиподинамиямен күресте балалар жақсы көмекші бола алады. Олар пантомима элементтерін қамтитын биді және ойындарды жақсы көреді. Квест дайындау арқылы олардың да, өзіңнің де көңіліңді көтеруге болады. Балалар ұйықтап жатқанда пәтерге жасырулы «қазынаға» алып баратын бірнеше көмексөздерді орналастырыңыз және «қарақшылар картасының» суретін салыңыз.
Ата-аналар мен балалар жәшіктерді ашып-жабу, сөрелерді ақтару арқылы бірқатар қимылды орындайды, пәтер ішінде жүреді. Үй жаттығуларын дұрыс ұйымдастыру және оны тиімді қолдану қиын емес. Егер сіз оптимист болсаңыз, стандарттар тыс әрекет етуге дайын болсаңыз, бөлмедегі спорт залы сізді мәжбүрлі оқшаулану кезінде қуантып қана қоймай, нағыз естелікке айналады.
Адамдар өзінің тапқырлығын мақтан тұтады. Карантин кезінде уақытыңыз тиімді өтсін.
«Коронавирус эпидемиясы жағдайында үйдегі бос уақытты ұйымдастыру жолы»
© Материал из ЭС «ACTUALIS: Образование».
Толығырақ: https://vip-edu.mcfr.kz/#/document/16/205530/bssPhr1/?of=copy-283675a0d0