Жаңалықтар

Хабарландыру

Абай атындағы Республикалық мамандандырылған дарынды балаларға арналған қазақ тілі мен әдебиетін тереңдете оқытатын орта мектеп-интернаты Абай мектептері желісінің 2021-2022 оқу жылына арналған жылдық жоспарына сәйкес 28 қазан күні «Менің педагогикалық әлемім» атты жас мамандар байқауын (бұдан әрі – Байқау) өткізеді.

Байқаудың мақсаты – жас педагогтердің шығармашылық әлеуетін және өзін-өзі дамытуына жағдай жасау, білім беру жүйесін жетілдіруге мұғалімдердің кәсіби көзқарасын қалыптастыру.

Байқауға әр мектептен әр түрлі пәндер бойынша 1 мұғалім (еңбек өтілі 3 жылдан аспайтын педагог) қатыса алады.

Байқау zoom платформасында онлайн режимінде өтеді.

Мектеп директорымен бекітілген қатысушы туралы сұранысты (1 Қосымша) 2021 жылдың 22 қазанына дейін abairsshi@mail.ru электронды почтасына жіберуіңізді сұраймыз.

Байқау Ережесі 2-қосымшада  көрсетілген.

1 қосымша

 «Менің педагогикалық әлемім» жас мамандар байқауына қатысуға Сұраныс

 

Облыс, қала,

аудан

Тегі, аты, әкесінің аты Қатысушының пәні Жұмыс орнының толық атауы Еңбек өтілі Байланыс телефоны E-mail
               

2 қосымша

«МЕНІҢ ПЕДАГОГИКАЛЫҚ ӘЛЕМІМ»  ЖАС МАМАНДАР БАЙҚАУЫН ҰЙЫМДАСТЫРУ ЖӘНЕ ӨТКІЗУДІҢ

ТАПСЫРМАЛАРЫ

 МҰҒАЛІМДЕРГЕ АРНАЛҒАН ТАПСЫРМАЛАР

 «Менің педагогикалық әлемім» атты жас мамандар байқауының Ережесіне сәйкес (бұдан әрі – Байқау).

Мақсаты: жас педагогтердің өзін-өзі жетілдіруге және әлеуеттік шығармашылығының дамуына жағдай жасау, білім беру жүйесін жетілдіруге жас мамандардың кәсіби көзқарасын қалыптастыру.

Міндеттері:

– педагогикалық мамандықтың мәртебесі мен беделін өсіру;

– жас педагогтердің әдістемелік деңгейін жетілдіру;

– жас педагогтердің оқу-тәрбие процесіне инновациялар енгізуде және ізденуде мотивацияларын арттыру;

– инновациялық және эксперименталдық жұмыстарда дербестігін және кәсібилігін арттыру;

– жас мамандардың педагогикалық қызметте өзін-өзі жетілуіне және анализ жасауына, олардың шығармашылық қабілеттері мен кәсіби ұстанымдарын дамыту;

– жас мамандардың кәсіби қоғамдастығында әріптестердің өз ойын білдіруге, кәсіби қарым-қатынас жасауға мүмкіндік туғызу.

1 ТАПСЫРМА.

Панорамалық сабақ «Педагогикалық дебют» (регламент – 15 минут);

Формат: жаңартылған білім беру технологияларын тиімді пайдалан отырып, ең кемі 3 оқушымен онлайн сабақ өту.

 Бағалау критерийі:

 

Педагогикалық шеберлік (1-10 балл)

– сабақты ұсынуда дайындық деңгейі;

– өз кәсіби қызметінің жетістіктері мен сәтсіздіктеріне анализ жасай білу;

– ақпараттық компьютерлік технологияларды пайдалану;

– сабақтың психологиялық жағдайы;

– оқыту, дамыту және тәрбиелеу міндеттерін жүзеге асыру;

– ауызша сөйлеу қабілеті (мәнерлілігі, ашықтығы, көркемділігі, сауаттылығы);

Әртістілігі (1-10 балл)

– импровизациялық қабілеті;

– аудиторияға ықпалының деңгейі.

Жалпы мәдениет (1-10 балл)

– эрудиция;

– қалыптан тыс ойлауы;

– коммуникативтілік мәдениеті.

Ескерту. Панорамалық сабақтың алғашқы 1 минуты өзін таныстыруға арналуы тиіс.

 2 ТАПСЫРМА

Сұрақ-жауап немесе «Педагогикалық шеберлік қоймасы» (регламент 5 минут, сұрақтарға жауап беру)

Ұяшықтардың бірін таңдау арқылы 2 сұраққа жауап береді. 1 сұрақ технологиялар мен әдіс-тәсілдер тұрғысында, 1 сұрақ жағдаяттық тапсырма.

Құзіреттілік (1-10 балл)

– әдістемелік сауаттылық;

– білімнің фундаменталдығы;

– импровизация.

– коммуникативті мәдениет.

Рефлексивтілік (1-10 балл)

– конкурсқа қатысушының сұрақ пен тапсырма бойынша, оны дәлелдеу бойынша  жеке ұстанымы;

– педагогикалық әдіс-тәсілдер және білім беру процесін ұйымдастыру тәсілін таңдаудың дәлелділігі;

– өзінің жетістік деңгейін анықтау қабілеті.

«Менің педагогикалық әлемім» жас мамандар байқауына қатысушыларға сәттілік тілейміз!

 

Меню