- Мектептердің білім алушылары оқу қызметіндегі жоғары нәтижелері, шығармашылықтағы, спорттағы желстіктері, қоғамдық өмірге белсенді қатысқандығы үшін марапаттарды алады.
- Мадақтау түрлеріне мыналар жатады:
- Алғыс жариялау;
- Құрмет грамотасымен, мақтау қағазымен марапаттау;
- «Жыл оқушысы», «Жыл олимпиадашысы» атақтары беру;
- Марапаттаулар туралы ақпаратты «РММИ» сайтында, бұқаралық ақпарат құралдарында жариялау.
- Мектеп әкімшілігі мектептің білім алушыларын мадақтау мәселелерін үйлестіреді.
- Мектеп директоры осы Ережелермен көзделмеген өзге де ынталандыру шараларын белгілей алады.
Сабақтан тыс іс шараларды өткізген уақытта өзін ұстау тәртібі:
- Қазақстан аумағында және одан тыс жерлерде өтілген іс-шараларды өткізудің алдында білім алушылар қауіпсіздік техникасын сақтау жөніндегі нұсқаулықтармен танысуға міндетті;
- Көпшілік қатысатын іс-шараларды өткізген кезде білім алушыларға мұғалімнің, сынып жетекшісінің (тәрбиешінің) барлық нұсқауларын мұқият түрде орындау, өзінің өміріне және қоршаған адамдардың өміріне қауіпті болуы мүмкін кез келген іс-әрекеттерден аулақ болу жөн болады;
- Білім алушылар мектепте және одан тыс жерлерде жоғары мәдениетті ұстанатын тұлғалар болуы, жергілікті дәстүрлерге құрметпен қарауы, табиғатқа, тарих пен мәдениет ескерткіштеріне, жеке және қоғамдық мүлікке ұқыпты қарауы тиіс.
- Білім алушылар тәртіпті сақтауы, белгіленген қозғалыс бағытын ұстануы, егер оны топ жетекшісі белгілеген жағдайда, топ тұрған жерде орналасуы тиіс;
- Жеке гигиена ережелерін қатаң түрде ұстануы,топ жетекшісіне денсаулығының нашарлауы немесе жарақат туралы уақытында хабарлауға міндетті;
- Ашық отты (шырақтарды, майшамды, отшашуларды, шартылдақтарды, отты және т.б.) қолдануға, химиялық, пиротехникалық және жануға алып келе алатын басқа да құралдарды пайдаланумен жарық әсерлерді ұйымдастыруға тыйым салынады.