Ұлы Абайдың мұрасын жастар арасында насихаттау мақсатында Алматы қаласындағы Абай атындағы Республикалық мамандандырылған дарынды балаларға арналған қазақ тілі мен әдебиетін тереңдете оқытатын орта мектеп-интернаты 2022 жылдың 28 ақпанында жалпы білім беру ұйымдарының 8-11 қазақ сынып оқушылары арасында республика көлемінде қашықтан ІІ «Абай әлемі» шығармашылық байқауын (ары қарай – Байқау) өткізеді.

Ережеге сәйкес (ІІ «Абай әлемі» шығармашылық байқауының ережесі – 2022 жыл) байқау 3 кезеңнен тұрады: аудандық, облыстық, республикалық.

Республикалық кезеңге әр облыс пен қаланың атынан 1, 2-кезеңдерде жеңімпаз болған 12 оқушыдан: 8-сынып – 2 оқушы, 9-сынып – 2 оқушы,
10-сынып – 2 оқушы, 11-сынып – 2 оқушы, әр өңірден ашылған желілік «Абай мектептерінен» 8-сынып – 1 оқушы 9-сынып – 1 оқушы, 10-сынып – 1 оқушы, 11-сынып – 1 оқушы қатыса алады.

Сұранысты ағымдағы жылдың 15 ақпанына дейін мына поштаға abairsshi@mail.ru жіберу қажет. Сұраныс Қосымша 1-де көрсетілген үлгіде жіберілуі тиіс.

Ұйымдастыру комитетінің мекен-жайы: Алматы қаласы, Митин көшесі, 6-үй, Абай атындағы Республикалық мамандандырылған дарынды балаларға арналған қазақ тілі мен әдебиетін тереңдете оқытатын орта мектеп-интернаты, байланыс телефондары: 8(727)3870846, сайт: www.abaimektep.kz,.

Қосымша сұрақтар бойынша: 8 702 906 30 06, 8 702 843 53 34.