- Отбасылық жағдайыңызға қарай баланы оқу орнымен қамтамасыз етіңіз.
2. Балаңыздың күнделікті бір уақытта сабақ оқуын бақылаңыз, ол үшін күн тәртібін жасап, оны көрінетін жерге іліп қою ұсынылады. Балаңызға өзін-өзі бақылауды және өзін-өзі ұйымдастыруды үйретіңіз.
- Егер сіздің балаңыз қандай да бір тапсырманы орындай алмаса, мұғалімнің рөлін атқаруға тырыспаңыз, міндетті түрде сынып жетекшісінің немесе пән мұғалімінің көмегіне жүгініңіз.
- Баланы күні бойы сабақ оқуға мәжбүрлемеңіз, мүмкіндігіне қарай сабақ оқу және тынығу уақытын бақылаңыз, себебі бала бір істен басқа іске ауыса білуі тиіс.
- Сынып жетекшісімен тығыз байланыста болыңыз, қашықтан оқытуды ұйымдастыру кезінде туындайтын қиындықтар туралы хабарлаңыз.
- Әр баланың жеке тұлға екенін естен шығармаңыз, демек оған қиын тапсырмалар жүктемеңіз және барлық тапсырманы мүлтіксіз орындауды талап етпеңіз.
- Жайлы орта құруға тырысыңыз, жанжалды жағдайдан аулақ болыңыз.
Дереккөзі: Ы. Алтынсарин ат. Ұлттық білім академиясының ресми сайты